Inicio> Museos de la Red > Museo Etnográfico del Oriente de Asturias

Museo Etnográfico del Oriente de Asturias


UN TERRITORIU, UN PATRIMONIU, UNA COMUNIDÁ

Museo Etnográfico del Oriente de AsturiasTien una coleición etnográfica representativa de la vida tradicional del oriente d’Asturies. Los oxetos que s’amuesen vencéyense cola arquitectura rural que los agospia y avérenmos, amás, a actividaes feches per fuera casa, a la vera o en sitios más alloñaos: les tierres de llabor, la viesca, el prau de la ilesia’l día la fiesta, el ríu, la escuela, la fonte.

Detalle exterior de conjunto arquitectónico de LlacínAnicia cuando Teresa Sordo y Luis Haces, matrimoniu de porruanos residentes en México, mandaron la finca y les cases de Llacín al puelu de Porrúa.

Por razón d’esta manda formóse l’Asociación Cultural Llacín, que fizo por construyir esti muséu, inauguráu el 10 de xunetu de 2000. La so sede ta formada por un grupu d'edificaciones rurales llevantaes nos sieglos XVIII y XIX. A esti conxuntu añadióse un horru del sieglu XVIII.

El muséu asítiase nuna finca enllena d’árboles frutales y de viesca, ente los que rescampla un aguacate grande enforma, con un tueru de 7 m de contornu y más de 20 m d’altor, que vieno de México y se llantó en 1906.

LLar na casa muséuLes sales tán organizaes siguiendo dos modelos. Unes amuesen ambientes como la cuadra, el llagar de sidra y la casa coles sos dependencies, y otres acueyen esposiciones temátiques: una coleición de cacía de fierro esmaltao o porcelana; el quesu y la mantega; los texeros o tamargos de Llanes; los procesos testiles; los oficios; los preseos y carros. El muséu tien amás una sala pa esposiciones temporales.

El puelu de Porrúa ta nel conceyu de Llanes, metanes la mar y la montaña. Asítiase al pie de la sierra de Cuera, ramal norteñu de los Picos d'Europa, que ye un espaciu tradicional de pastu de branu con cabañes y mayaes p’abellugar ganáu y pastores. Pol norte ta averáu a la costa, que nel conceyu de Llanes tien formaciones calices mui chocantes, mesmamente les playes interiores de Gulpiyuri y Cobih.eru.

Nos puelos del conceyu de Llanes hai exemplos perinteresantes d’arquitectura popular ya indiano.

 

Barriu Llacín, s/n.
33509 Porrúa (Llanes)

www.porrua.net
museo@porrua.net

Tel.: 985 402 547

Horariu:
Iviernu:
De martes a sábadu: 11.00-13.30 y 17.00-19.00
Domingu y festivos: 12.00-14.00
Llunes peslláu

Branu (1 de xunetu a 15 de setiembre)
De llunes a sábadu: 11.00-13.30 y 17.00-20.00
Domingu y festivos: 12.00-14.00 y 17.00-20.00

Martes entrada de baldre
Grupos escolares: acutar enantes