Inicio> Museos de la Red > Museo Etnográfico de Grandas de Salime

Museo Etnográfico de Grandas de Salime


UN MUSÉU VIVU NEL OCCIDENTE D’ASTURIES

Logotipo del Museo de GrandasInaguráu en 1984, el muséu ta asitiáu na villa de Grandas de Salime, na que viven 640 persones y ye capital d’un conceyu de 114 km2 y 1.400 habitantes. La idea de crear un muséu p’amosar les ferramientes, máquines y preseos de más raigón nel mundu rural tradicional del occidente d’Asturies foi de José María Naveiras Escanlar. Dende 1989 el muséu allúgase na rectoral de la mesma villa y nos años vinientes foi medrando enforma.

 El muséu espón una coleición bien curiosa de materiales de dellos conceyos asitiaos nes llendes d’Asturies y Galicia: los conceyos asturianos de Grandas de Salime, Allande, Pezós, Santalla, Samartín y Vilanova d’Ozcos, y los gallegos d’A Fonsagrada y Negueira de Muñiz.

Detalle de la sala de la casa rectoralLa visita avéranos a una bona partida de preseos tocántenes al facer de la casa, na qu’una mesma familia produz lo que gasta. Amás, amuésense ferramientes de los oficios artesanos tradicionales del mundu rural de l’alredorada y recréense espacios con toles carauterístiques de so: la lareira o llariega, l’horru teitáu con centén y la panera con llábana, la bodega vinu, el molín, el comerciu, la escuela, la barbería, la fragua, la carpintería, les artes de caza y pesca, la tornería o llabor de los cunqueiros, la cría d’abeyes, los preseos del campu, etc.

Horru con cubierta de paya de centenu asitiáu nel corralDempués d’abondo tiempu de desdexu, emprincipió la recuperación de los materiales que tan espuestos, faciendo posible l’enfotu principal del muséu, oséase, el caltenimientu y l’espardimientu del patrimoniu etnográficu de la comarca, ameyorando poro la conocencia d’esta fastera d’Asturies y l’espoxigue económicu de los sos habitantes. En tolos conceyos nomaos hai bones muestres d’arquitectura popular (Argul, Santo Miyao). En Castro (Grandas de Salime) pue visitase’l pobláu fortificáu del Chao Samartín, que tevo habitáu dende’l fin de la Edá del Bronce hasta metanes el sieglu II d.C.

 

 

Avenida del Ferreiro, 17
33730 Grandas de Salime

www.museodegrandas.com
info@museodegrandas.com

Tel.: 985 627 243
Fax: 985 627 331

Horariu:
Iviernu
De martes a sábadu: 11.30-14.00 y 16.00-18.30
Domingu y festivos: 11.30-14.30

Branu (xunetu y agostu)
De martes a domingu: 11.30-14.00 y 16.00-19.30

Llunes peslláu
Martes entrada de baldre